Cwpolau Gorffenedig

Cwpolau gwrthdywydd gorffenedig Neuadd y Dref Maesteg wedi e atgyweirio'n llawn.

Grisiau Cefn y Llwyfan Wedi'u Cymryd Ymaith

Mae'r grisiau wnaeth arwain o gefn y llwyfan i'r orsaf fysiau wedi eu cymryd ymaith, a sgaffaldau wedi eu gosod er mwyn creu llawr newydd yn eu lle, er mwyn creu mwy o le i'r ystafelloedd newid fydd o les mawr i grwpiau perfformio a chynhyrchiadau mawr.

Prawf Cloddio Sylfeini

Mae mae prawf cloddio sylfeini wedi bod, er mwyn gallu creu lefel newydd fydd yn cynnwys toiledau newydd.

Mae cwpolau Neuadd y Dref Maesteg wedi eu hailadeiladu ac yn cael eu ailosod ar brif do yr adeilad.

Ailadeiladu Cwpolau Neuadd y Dref

Mae cwpolau Neuadd y Dref Maesteg – yr adeiladweithiau pren ar do yr adeilad, yn cael eu cymryd ymaith, eu hailgreu, eu hailblymio a’u hailosod er mwyn iddyn nhw ffurfio rhan o system awyriad y Neuadd, yn unol a’u pwrpas gwreiddiol.

Lolfa'r Llynfi

Roedd Lolfa’r Llynfi ar gau i’r cyhoedd am fisoedd cyn i Neuadd y Dref gau am gyfnod oherwydd ansefydlogrwydd y nenfwd. Mae’r nenfwd yn cael ei gyfnerthu a bydd y lolfa yn ffurfio swyddfeydd newydd Neadd y Dref.

Peirianwaith ein Cloc Eiconig yn barod i gael ei Atgyweirio!

Glanhau Adeiladwaith yn dadorchuddio Bric a Cherrig Gwreiddiol

Mae glanhau’r adeiladwaith yn hen neuadd y farchnad wedi parhau, gan ddadguddio bric a cherrig gwreiddiol a chaiff eu cadw yn y Llyfrgell a gofod cymunedol newydd.

AAtgyfnerthu Trawstiau'r Prif Do

Mae trawstiau’r prif do yn cael eu hatgyfnerthu i’w sefydlu ac atal unrhyw symudiad pellach. Gyda nenfwd y neuadd wedi’i gymryd ymaith, mae bachau wedi’u gosod er mwyn cryfhau a sefydlu’r nenfwd newydd.

Paratoadau ar gyfer Trawst i asio’r Hen Adeilad a’r Newydd

Mae wal gerrig y Neuadd ar ochr Stryd Talbot ar lefel y to yn cael ei baratoi’n ofalus er mwyn derbyn trawst concrit newydd.

Paratoadau ar gyfer System Awyriad Newydd

Mae brigdrawstiau wedi eu gosod o fewn croglofft Neuadd y Dref er mwyn dal offer awyriad newydd

Atgyweirio Cloc Eiconig Neuadd y Dref

Mae ein cloc eiconig wedi’i ddatgysylltu a’i fecanwaith wedi’i gymryd ymaith er mwyn sicrhau mynediad haws ar gyfer gwelliannau strwythurol i’r tŵr, ac i’w ddiogelu yn ystod y broses.

Golwg o ben y Sgaffaldiau

Golwg unigryw o arch broseniwm odidog Neuadd y Dref Maesteg o ben y sgaffaldiau cawell aderyn a ddefnyddiwyd i gymeryd i lawr yr hen nenfwd coch. Mae'r groglofft i'w gweld ar hyn o bryd rhwng y trawstiau.

Datgelu Deunyddiau Gwreiddiol

Mae'n debyg i'r arch wreiddiol 1881 hon gael ei llenwi y ystod ailddatblygiad Neuadd y Dref yn 1914

To Newydd i'r Neuadd

Mae to Neuadd y Dref Maesteg ar hyn o bryd yn cael ei ailosod gyda llechi naturiol.

Sgaffaldau wedi'i codi trwy'r Neuadd

Mae sgaffaldiau "cawell aderyn" wedi'u codi trwy'r awditoriwm er mwyn galluogi i'r hen nenfwd gael ei gymeryd ymaith.

Gwagio’r Bar yn Datgelu Colofnau Haearn Addurniedig

Wrth wagio’r bar, datgelwyd colofnau haearn addurniedig na welwyd ers degawdau. Caiff y rhain eu hatgyweirio a’u cadw o fewn y neuadd.

Paneli a Gwaith Pren Addurniedig wedi’u Datguddio

Mae’r peneli laminedig o’r 70au fu o amgylch y neuadd wed’u cymryd ymaith, gan ddatgelu gwaith pren addurniedig o dan y llwyfan, yn ogystal â phaneli pren henach ar hyd ddwy ochr y neuadd.

Llwyfan Gwreiddiol 1881/1914 wedi’i Datguddio

Mae llawr y llwyfan – a gafodd ei godi degawdau yn ôl i lefel uwch nag ardaloedd cefn y llwyfan – wedi’i gymryd ymaith, gan ddatguddio’r llwyfan wreiddiol 1881/1914 oddi tano.

Yr Hen Swyddfa Docynnau

Drws bydd llawer yn ei adnabod, ond nid o’r ongl yma! Mae aelodau cymdeithasau Cwm Llynfi wedi treulio oriau y tu ôl i ddrws yr hen swyddfa docynnau ar sgwâr Neuadd y Dref yn gwerthu tocynnau ar gyfer sioeau a digwyddiadau.

Ffenestri a Drysau sydd wedi’u Gorchuddio i gael eu Hagor Eto

Caiff y ffenestri a’r drysau ar hyd ddwy ochr y neuadd sydd wedi’u gorchuddio ar hyn o bryd eu hagor er mwyn oleuo’r lle cyfan, a chaiff y muriau lliwgar eu carthu i ddatguddio’r cerrig a bric gwreiddiol.

Gwagio'r Neuadd Is yn Datguddio Gofod Enfawr

Mae’r Neuadd is wedi’i gwagio’n llwyr i ddatguddio gofod enfawr na welwyd ers degawdau. Bydd yr ardal hon yn gartref i lyfrgell newydd i Faesteg, canolfan dreftadaeth, llyfrgell plant, ystafelloedd i’w llogi ac ar gyfer defnydd cymunedol, a chaffi.

Go Behind-the-Scenes of Christopher Williams Painting Conservation

Paratoadau ar gyfer Tô Newydd

Mae sgaffaldiau wed’u gosod o amgylch y Neuadd, mae llechi’r tô wedi’u cymryd oddi arno er mwyn i lechi naturiol gael eu gosod yn eu lle

Brics Lleol Wedi’u Canfod

Mae Neuadd y Dref Maesteg wedi cael llawer o weddnewidiadau dros y blynyddoedd. Dyma bric ry’n ni wedi’i ganfod o un o’r datblygiadau diweddara – efallai ailddatblygiad 1914 – cynnyrch gweithfeydd brics Eagle, Cwmafan, oedd yn weithgredol rhwng 1907 a 1967

Grisiau’r Neuadd yn cael eu Dymchwel i Greu Mynediad Cydradd

Mae grisiau a mynedfa Neuadd y Dref wedi’u dymchwel i greu lle ar gyfer lifft newydd fydd yn sicrhau mynediad cydradd i bawb. Caiff y grisiau newydd eu hadeiladu o amgylch y lifft, o fewn ein cyntedd newydd.

An Interview with the Architect

We are committed to using local people and businesses on the Maesteg Town Hall redevelopment, wherever possible and practical. One of the main contributors from Purcell Architects is Ross Hartland. Originally from Ogmore Vale, Ross studied both his BSc (Hons) and Masters at the Welsh School of Architecture, where he graduated with First Class Honours and was nominated for an RIBA Presidents Medal in 2016.

Mae darluniau gan yr artist lleol enwog Christopher Williams wedi gadael Neuadd y Dref Maesteg i gael eu hadnewyddu

Mae chwech o ddarluniau gan yr artist o Faesteg, Christopher Williams (1873 –1934) wedi gadael Neuadd y Dref Maesteg dros dro er mwyn iddyn nhw gael eu hadnewyddu.